放開

近日來非常忙碌，忙着鑽研音樂 ( 好鬼浮誇！) 、四處問人意見及睇醫生 。

正因為呢個原因，無時間去問候身邊一啲朋友仔。好彩佢哋分別都有與我聯落，所以都知道佢哋嘅近況。

遲啲真喺要抽啲時間去見吓佢哋。

昨天在返工途中巧遇一個，已有好幾年無見嘅 姐姐 -- A 小姐。( 小時候嘅稱呼 ) 其實上次見面喺喺姐姐結婚果日，應該傾咗唔夠兩句。

喺車程上，Miss A 一路講佢嘅近況及之前面對嘅困難。。。原來無見咁耐，已經有着好大改變。講述時雙眼通紅，可想當時難關是何等嚴峻。

當與她分手後，立即將巧遇 之事講比媽媽知，叫媽媽有時間就同姐姐傾吓計 。

連日來分別遇上人和事都提醒自己 --- " 要放得開 " 。非常在乎 / 在意的，其實到頭來什麼意思也沒有。

曾經有人說過 ：『你嚟到呢個世界時無帶着什麼，所以走時都唔可以帶走，所以唔洗太在乎。』

請將手放開！