無眼睇

終於返完連續兩晚夜班，返埋明日嘅早班就終於有一日假放。。。

近來有多位同事請病假，搞到人手非常緊張。好相信呢個喺惡性循環，如果情況再繼續只會越來越多人病。

真喺無眼睇！

zzzz

原來己經有成個星期無 update 個 blog。全因超忙，呢個禮拜，今日喺唯一嘅假期。


同一時間學兩樣嘢，都喺第一次，遲啲讀書果度就開學，我諗會仲 "甘"。好希望一切都可以應付。

現階段最需要的是好好及多多的睡眠。

放開

近日來非常忙碌，忙着鑽研音樂 ( 好鬼浮誇！) 、四處問人意見及睇醫生 。

正因為呢個原因，無時間去問候身邊一啲朋友仔。好彩佢哋分別都有與我聯落，所以都知道佢哋嘅近況。

遲啲真喺要抽啲時間去見吓佢哋。

昨天在返工途中巧遇一個，已有好幾年無見嘅 姐姐 -- A 小姐。( 小時候嘅稱呼 ) 其實上次見面喺喺姐姐結婚果日，應該傾咗唔夠兩句。

喺車程上，Miss A 一路講佢嘅近況及之前面對嘅困難。。。原來無見咁耐，已經有着好大改變。講述時雙眼通紅，可想當時難關是何等嚴峻。

當與她分手後，立即將巧遇 之事講比媽媽知，叫媽媽有時間就同姐姐傾吓計 。

連日來分別遇上人和事都提醒自己 --- " 要放得開 " 。非常在乎 / 在意的，其實到頭來什麼意思也沒有。

曾經有人說過 ：『你嚟到呢個世界時無帶着什麼，所以走時都唔可以帶走，所以唔洗太在乎。』

請將手放開！

花香

己經到咗之前熱切期待的 "花香遍屋" 階段。不但屋有花香，返到屋企當升降機門大開巳經有百合花香飄來。好高興期待的，終於來臨！！

希望在明天！

多謝！

昨天舊同學生日，去咗打邊爐慶祝，食物新鮮。大家一齊烚吓烚吓，傾得好開心！






打完邊爐，去咗食糖水。糖水上嘅哈哈笑，喺壽星女嘅作品。: )

昨日遇上嘅都喺好消息！多謝！！

+ve -ve

今日放假，唔洗做。今個星期放六、日，千年唔一潤。真喺要好好享受。

早上去咗上樂理堂，當然又袋咗好多嘢走。發覺啲同學仔比較靜 ( 其實自己都喺咁)，相信都需時先至可以認識多啲。

返完學，去咗買餸，然後回家打掃。打掃其間，一路聽住電台，聽咗兩個節目，第一個節目播嘅歌，大部份都覺得幾好。另外一個節目，其中一個主持人講嘅嘢好正面，間中仲有啲感動位。

好覺得自己極需要呢啲正能量。認識一位天蠍座的女孩，她對事情嘅睇法都會幾負面。我與天蠍女孩傾過天蠍座嘅問題，自己好勁咁叫女孩多與充滿正能量嘅人交往，傾吓計，希望個人唔會咁-ve。

今日聽到、睇到好多感動事情。如果大家遇到感動的事，反應會怎樣？

世事無常

好多日無 update 個 blog, 今日終於可以做到喇！

呢幾日發生咗一啲事。講吓啲開心嘢先！

妹妹去完日本返嚟，買咗好多嘢比我，食得同唔食得都有，全部我都好鐘意。只喺影咗部份比大家睇吓。

電話繩 --- 超鐘意 ！！！

開咗果盒 Pocky 喺自己喺香港買，未開嘅，喺妹妹嘅日本手信。 =) 妹妹好知我心意！好開心！！

另外發生的，無嘢可以做去解決。

唯有祝自己好運。

好聽的歌

今日放假，足不出户。做咗一啲樂理練習，跟住就拎起支笛吹吓。

之前去廣州行過書城，喺書城買咗本長笛譜。內面喺一啲流行曲。最重要喺不太難吹，好能夠得到滿足感。

今日吹咗內面一啲歌，越吹越開心，簡直唔捨得放低，每次吹完都忍唔住好低能咁對自己講：『首歌好好聽！』哈！講完自己都想笑。

心花怒放

昨日心情極佳。全賴可愛的音樂！ =)

昨天早上，在上班前去咗學樂理 ( 昨日喺第一堂) 。上咗一堂已經解開咗一啲之前喺學笛時遇到嘅問題，終於明白！！真喺超開心！！

教樂理嘅阿 sir, 好 nice, 好 cheerful ！班上一共有四個學生，暫時覺得大家程度差不多。

第一堂，非常 OK！ GOOD !

所以昨日我簡直 --- 心花正怒放！！！

因為心花怒放，所以好想買啲花插吓，令精彩嘅心情好好地延續下去。 =)

花仍未開，熱切期待花香遍全屋！

日月如梭

今日返工途中收到媽媽電話，得到媽媽嘅問候。從媽媽口中得知楠楠B，近排好精玲，識得講好多嘢，好可愛。

今日返工見到以前認識嘅小朋友，今天已經成長了。

時間真喺過得好快，好快就一年、兩年，好快咁樣已經過咗五年一個人住嘅生活。

叱咤903

今日下着大雨，完全無 mood 去做任何嘢。無出街，無去學笛。

結果選擇睇 "叱咤樂壇頒獎典禮"。
好鐘意睇叱咤，因為覺得喺一個用心製作嘅 project。本身個人充滿着負能量，呢個頒獎典禮充滿着正能量，覺得會平衡啲。其實自己都幾欣賞 903 呢個機構 / 公司，覺得喺呢道做嘢嘅人好似一家人咁，大家互相照顧，各人都能互相關心。

大家唔知記唔記得 "好兄弟" 呢首歌喺我現在嘅 "有誰共鳴" 嘅主題曲。喺頒獎禮上，軟硬唱咗 "好兄弟"，又再一次聽，今次再聽又有另一體會，真喺覺得 "好兄弟"喺一首好歌！=)

另外一段嘅感動位就喺 EO2 ，一段真情、真心的謝詞！ =)

我都好愛音樂！！！