暖爐

香港終於有翻冬天！

前幾年買下的暖爐，今日諗咗好耐，好唔好拎出嚟用。看過天氣預測，未來的一星期一直會維持於10-18度左右。今日下午17度我都感到好寒，相信未來的一星期，暖爐給我的溫暖是相當重要。所以決定拎阿暖爐出嚟陪吓我。


今日下午練笛，因為天氣太凍，支笛一擺上口，吹好耐啲聲先至去到。

終於我將長笛放在暖爐旁邊，好等笛身暖一點。






長笛熱身過後，我放上嘴巴...... 感覺就好似冬天飲熱維他奶一樣，好溫暖。

我很快便能與熱身後的長笛得到配合。

Cover girl

Create Fake Magazine Covers with your own picture at MagMyPic.com

Subscribe to People Magazine at a 37% discount!

放假

返咗工已經有個多星期，工作量並不大，但可能實在休息太久，感覺很累。

很累就要休息，好好彩在年頭 book 落個假，有得放。我又放假喇！兩星期假期。

開始要去睇樓，希望能遇上靚盤啦！

預測

返咗工已經有四日，實在很累，發現皮膚也出了一些小問題，代表着欠缺休息或處於緊張狀態。

星期五見過高師父，她給我一些預測及一些提點。聽過後，有點忐忑，開始明白幸福並非必然。

以前在電視或電影見到一些橋段，就是： " 當你知道你只有一天生命，你會想做什麼？ "。現在實在是有一點這些感覺，當然我並沒有這些戲劇性的預測。我還有五年時間去玩，五年的盡情地玩。

時常都覺得發生在我身上的事都是不幸中的大幸。

之前做手術的費用令到錢也花光了，接着自己層樓很快便賣出吐現了少少。

遇上高師父，知道預測，有心裡準備。會更加珍惜身邊人和事，要作出預備去面對。


大家放長雙眼，為我做見証，看看五年後的我將會是怎樣。

情況不錯

仲有1.5日，後日就返工喇！！今次我實在休息了很長很長時間，又再次多了經歷。

昨晚半夜咳得很厲害，咳到醒... 都咳咗一段時間。在醒咗後一直想着一些小主意，希望我有足夠時間完成這些小主意。

這兩天又再肚子痛，痛的情度還可接受。肚子痛 + 咳 + 失聲.... 在劇痛的那一刻，心裡想着：「點先？呢道痛，果道又痛。」劇痛過後，再想，個天對我都不薄，一切痛楚都安排在我病假中。如果上班途中，點搞？又病假？

現在倩況不錯。

明日可能要學笛，還沒有練習，是時候努力喇！

大家一齊努力，用心生活 & 工作！共勉之！

驚魂記

前兩日的晚上，身體突然出現問題，好突然，好驚，唔知點算，唔識去處理，那時我完全處於 denial stage。

唯又禱告，然後最終還是打了一個電話給朋友仔，她建議我致電醫生。醫生找到了，醫生的答覆是：「我都唔知點解，呢一刻我真喺唔知點解... 你明天到我的診所看看吧！」

朋友仔之後再致電給我及作出少少建議。一個多小時後，問題好突然消失了。

之後問翻醫生，朋友仔的建議招色並不科學 ---> 即係 "唔關事"。致於問題突然消失，原因可能是身體突然又回復正常 ---> 即係 " 無得解釋 "。

無論如何，無事就好喇！