waiting

今日朋友仔終於返回工作崗位。見到她精神奕奕，換了新髮型。真替她高興。

明日可以與她一起工作，真期待！

想

今天所見的、所聽的令到自己想了很多。。。






實在太累。。。晚安！

改變

時間一天一天的過，轉眼間手抱小孩巳變成活潑可愛、人人喜觀的小女孩。
這樣就差不多兩年，呢兩年實在有很多改變。其中的改變現在遠未適應。但大部份仍是好的改變。

真的要加把勁、努力迎接未來的改變。

我有把握

今日學笛老師作出預告。就喺下堂有歌仔吹，會吹四級歌。呢個都算一個喜訊。其實跟咗呢個老師已經有兩個多月，一直都只喺吹練習，終於有歌仔吹，好期待。


學完笛去睇醫生。醫生對我個病好似無以前咁有把握，真喺有啲擔心。。。唔通又要再次行翻之前嘅路？真喺好怕問題再發生，更怕問題變得嚴重。




好想有人同我講 ！！

大眼雞

讀書果度好快就要交功課，但仍未開始任何工作。。。

原先打算昨日開工預備，但剛起身就接到妹妹與小妹嘅電話。她們誠邀我回家共嘗媽媽精彩、精心炮製的晚餐。當然立即應承。

晚餐當然精彩。其中一味就喺超大大"大眼雞"。佢隻眼好比波子那樣大。= )





兩個小朋友真喺超可愛！！！

迷幻之家

無update 個 blog 已經好幾日。每日都好多嘢做，還有很多東西要去完成。。。

今晚放工回家，嚇然發現個窗超污糟。。。睇出街好似落咗 soft lens 咁，非常迷幻。


我真喺。。。唔喺好惦。

繼續走

今日返工時氣氛有一點點愁雲慘霧的感覺。原因喺因為朋友仔 ( 朋友仔亦是我的同事 )，遇上的難關今天要作出最後決定。同事們知道此事都好擔心，有一點點不安感。

日前與朋友仔見面，知道她失落、忐忑。但不希望與她見面時大家一齊抱頭痛哭，所以選擇與她分享在音樂上得到的喜悅。

面對困難時，大力深呼吸勇敢地跳過去，定必可跨過。地球依然在轉，未來路還要行下去。大家要努力、用心地繼續走。

笑

講返昨日一啲開心事比大家知，就喺學笛時比阿sir 讚。阿 sir 個人比較 cool 及要求高。我覺得如果我喺小朋友一早就比佢鬧爆。

好彩我仲可以話得聽。阿 sir 讚我嘅其實只不過喺一啲基本工。在堂上聽到自己吹到，都禁不住大叫：『好嘢！終於吹到喇！』我個嘴除咗吹笛果陣，一路都喺張開，張開喺因為一路都好開心咁笑。

好記得吹到嘅時候，阿 sir 話：『 Good ！就喺咁喇！』哈！哈！哈！

昨日

昨日與很久沒見嘅朋友仔見面。真喺好耐無見。朋友仔近來遇上一個難關，我沒什麼可以幫忙。只有擔心。。。
昨日終於與她相見，知道她的情況，擔心減少了。

昨日遇到的人和事令到正能量增加不少。
溫度雖然驟降，但我的心很熱，因為有一團火在燃燒。

祝大家身體健康，開心 & 滿足！共勉之！

飲杯！

近來工作環境有一些改變，最初真喺好唔習慣。日子一天一天過，感覺同事們開始習慣 ( 當然包括自己 )。

工作量比之前多了一點點。喺呢個新環境，發現一件好開心嘅事情，就喺有兩位同事之前極之不和，現在兩位一起工作時有傾有講。其中一位之前被眾人排斥，現在同事工作時積極咗及願意與人溝通。見到大家能夠和諧共處，真喺飲得杯落！