高音

今日放假，唔洗做。一起身，雄心壯志咁諗住做好多嘢。終於我呢個懶惰的骨頭，只喺做咗一半咋... 喺諗住做嘅嘢嘅一半。。。。

無論如何，因為我近來實在太疏於練習長笛，所以就的起心肝。吹吓佢，同支笛啲關係真喺要時間同心機去培養。我今日好努力咁挑戰我的極限，吹一啲比較高音嘅部份，其實我到依家仲未練習得好好，但聽到自己吹得越嚟越似樣，已經好雀躍，所以咪立刻喺個 blog 到講比大家知囉！

睇吓，果條魚骨喺五線譜上面幾高...

仲有，昨日學笛時同 Harbour 仔傾開關於十月頭我哋攪果個 "中秋彩燈燒烤晚會"，我哋兩個長笛發燒友 ( 個名好正 ！) ，忽發奇想，就喺諗住當日吹番首 "月亮代表我的心"，以娛大眾。呢個特別環節，無人知，只有我哋兩個 crazy ladies 知道。哈！唔知特別環節攪唔攪得成呢？

狗狗、小朋友

天氣 Keep 住咁清爽，秋天大家都好鐘意嘅活動 ---- BBQ。開鑼喇！！

過兩日，我的家族一年一渡秋季大旅行將會舉行！諗諗吓，我原來無同過家族中兩位小成員去過郊外，去郊外BBQ。唔知兩位小成員對郊外一切所有事與物會有乜反應呢？？！！

跟住十月頭，同事們又攪咗個中秋彩燈燒烤晚會，我希望可以見到同事們啲狗狗！

狗狗同小朋友我都好喜愛！ =)

多謝！

今日其實無乜特別嘢發生...

當食完飯返回工作崗位，就收到一個電話。

喺一個有心人，對我好好好好嘅人，打嚟問候我！佢好驚我有唔舒服，我好真心相信佢真喺驚。
我當然無問題，完全好 OK ！

真喺非常之唔好意思，令您擔心，同埋真喺好好好好多謝您嘅關心！！！
豆卜媽媽！

節目

呢兩日節目豐富、行程緊密。(相對我平日嘅時間表)

其實節目及行程只不過喺睇戲和食飯。

如果呢兩日無家人們陪我去睇戲和食飯，都會喺



<一條冷去搵節目>。。。。。。

海鮮餐

今日返工食飯，好鬼豪！食海鮮！超正！好可惜，無帶電話，無拍底精彩的一餐。
一路食，一路有人問我哋喺咪有人生日。無喎！只不過，好想食餐好嘅！=)

今日我嘅身體算生性，無唔舒服！

一切都好順利、好美好.........

星星薯餅

昨日學完笛就去買我嘅晚餐。
我好鐘意食薯餅，喺麥記嘅薯餅。一向都唔喺好明白點解薯餅只喺得朝早先至有得賣。
終於守得雲開見月明 ----依家乜嘢時候都有薯餅賣喇！ =)

啲薯餅喺我喜愛嘅星星！
仲要喺軟硬做代言人，正呀！

一支公之家

突然想返起，我之前喺個 blog 曾經寫過 以 "家"為題目。

今日抹地時，將房內啲公仔們放在一邊。放嘅時候覺得我啲佢哋真喺好可愛！

身邊人們曾經建議我再養翻隻狗狗。狗狗我依然好鍾意，但喺要我再養翻就會喺另外一件事。我一個人生活還可以，如果家中再添成員，好恐怕唔可以好好照顧他而令到佢未能健康成長。所以到直至現在都無諗過帶狗狗翻屋企。

我都喺好好咁過我呢啲一支公之家嘅生活啦！ -____-

鬆曬

星期日返工，比較清閒啲。今日返工仲要可以同老友一齊工作，當然心情都會好啲！=)

一返工就收到老友送嘅禮物 --- 就喺呢條名貴鎖匙扣。我好鐘意佢！我嘅致愛 & 我的 logo -- skeleton。=)

今日老友同我講返較早前，發現嘅問題，佢講咗一啲意見。好好吖！有問題可以與別人商量、討論，絕對喺一件幸福嘅事。仲又我呢隻負面蠍子，好需要一啲正面嘅支持。

聽咗佢講嘅，想得開啲，個人鬆咗啲！

我呢個老友就喺 ---- My dearest : HARBOUR。

HARBOUR，好多謝你！

失望

較早前，收到一個消息，就喺有其他病房投訴我個病房。

跟住知道件事嘅經過，發現喺我哋嘅問題。我又知道，其他人覺得我哋個病房啲護理水平，越來越差。
我聽到呢個消息，好唔開心。

令人失望，呢個感覺實在太差..........

容忍度

天氣惡劣，超勁大雨。完全無日頭.... 雨喺咁落、喺咁落....

我想我感冒了。喺時候開始我嘅感冒治療。

琴日返夜，一返工已經好唔舒服。仲要比個唔生性嘅細激親。
真喺好唔明佢嘅所作所為，用意何在？？？對住呢啲人，完全挑戰你嘅容忍度....

零溝通

今日返工同老友一齊做，理應運作得好順利。

好可惜美中不足就喺做大果個，完全唔合拍、唔合作。你有你做，佢有佢自己做法。"零"溝通...要知道，我哋呢行喺team work。大家要互相配合先至做得好。

無溝通，只會浪費人力。攪到工作氣氛差，又可苦呢？

天朗氣清

呢幾日天朗氣清，絕對喺郊遊好時候。唔知會唔會再熱翻？把握好時光，去享受。

喺呢啲日子，應該聽啲乜嘢歌會配合呢？

陳奕迅--- 單車

微風輕吹，喺溫暖嘅陽光下騎著單車，感受一吓呢個世界。

陳百强--- 喝采

喝采個開頭音樂，好有一日平靜、美好開始嘅感覺。就好似依家嘅天氣。

亂諗嘢

琴日同好朋友食飯、唱K。
好耐無唱K、好耐無咁夜返屋企。

其實我呢幾日心情麻麻.... 我都唔喺好知點解...

所以揾多啲嘢比自已做，等自己唔好亂諗嘢...

亂諗嘢實在喺我强項......

好歌

呢張碟終於喺琴日買咗喇！

首先我覺得張碟個樣好靚，我都幾鐘意。裡面放CD嘅喺有着菊花凹凸圖案。菊花令我想起媽媽。

隻碟裡面我惗有九成都喺我嘅 faviour！超正！

最有感覺就喺，范曉萱嘅---- 哭了。呢首歌 hit 嘅時候，都喺我最唔開心嘅時候。都已經有十多年，當年唔開心嘅，依家惗翻當然覺得好幼稚、無聊...

但喺今日我聽翻，又再令我想起一啲唔開心嘅事...

我想我真喺一啲都無成長過。我依家依然好幼稚及無聊...

香薰、長笛

昨日去咗買翻啲香薰。今次買咗一啲未用過嘅，返到屋企當然即刻試吓啦。
嘩！超正！喺果刻我覺得我閒房靚咗好多，最緊要就喺個主人都..."正"咗好多！哈！我又發神經. ..Sorry ！
我昨晚用咗５種香薰。其實我對香薰真喺幾有興趣，都有唸過去學吓香薰治療。等我得閒啲啦，惗惗佢...

昨日買完香薰就去學笛。收到個消息，就喺我哋果班其中一個妹妹，佢將會喺十月尾就唔再學... 咁樣，我同Harbour就有好大機會唔再喺呢處學。
唔再喺到學有好幾個原因...
1.少咗妹妹，兩個人貴好多。
2.現階段，喺時候要個別教授，因為每一個人要被教、被指導嘅嘢都不一樣。
3.試吓唔同人教，感受一吓分別...

當然我實在非常唔捨得阿sir... 但喺我惗要離開機會實在好大...

92

頭先長笛練習，自己跟本未吹得好。只不過吹得比之前熟咗一啲。

跟住啲未學行先學走嘅貪心心態就浮曬出嚟，惗住試吓同隻CD夾吓。

嘩！超快...(92......)險些連自己唱都跟唔上。最終我就連續聽咗四次，結果我當然同隻CD夾唔倒啦！

收隊！遲啲再練。

滿足

我今日嘅早餐/午餐就喺番薯一條同埋豆漿一杯，好好食...食完之後好滿足，為咗記錄呢次嘅滿足感我決定拍低呢次食完嘅情景。=)

我今早去游水時，好突然咁發現一種游水呼吸方法。我用咗呢個方法游，無咁累。可以游得耐啲。

放埋今明兩日就返工....做乜好呢？

好片

今日去咗睇戲，一套三級片，一套高質素嘅三級片。








呢套就喺--"狗咬狗"。我對電影無乜研究。

"狗咬狗"，呢套戲無冷場，都幾heavy。妹妹睇過後覺得套戲好crazy。
陳冠希做得好好，超型！揾陳冠希做呢個殺手角色，好！李璨琛唔夠力，可以再激動啲。尾段失色。

願望成真

功課算喺完成...

昨日許下的三個願望，今日可以達成！=)

Thanks God !

夜

做功課，做到依家，其實仲無乜睡意。由於覺得太夜瞓，唔喺咁好，我今日收手喇...

我聽日想睇戲、想返媽咪到、又想做完份功課。唔知可唔可以滿足呢三個願望呢？