麥米粥

完成的傑作---麥米粥。

完來好鬼容易煲，只喺加水加埋現成的麥米粥材料(麥米粥材料，百佳有售！)，就得咗！= )

惦！

我無事喇！無再痛。

今日八點幾就起咗身，食完早餐就落咗會所跑步，跑咗半個鐘，其實我覺得自己可以繼績跑落去，但喺我實在太耐無跑，費是跑跑吓要人急救....

我依家正在炮製麥米粥，下晝就有得食！= )

= (

今日依然肚痛，不過程度輕咗好多。
痛到無曬心機，乜都無做過。瞓到枕頭都扁曬...= (

五點鍾食咗米粉後，呆坐到八時，突然好想食雪榚或者甜嘢。但喺屋企乜都無，所以落咗樓下買雪榚及一啲飲品。

下午吹咗一陣笛，只喺吹咗一個練習。我覺得啲高音去得好差、好唔準、好唔隱陣...

今日狀態好差....

肚痛

今日開始放假。但一早起身就周身唔舒服，然後就開始劇肚痛...

食過藥後，好似死咗咁喺咁瞓喺咁瞓。由太陽剛出到依家太陽就回家，我瞓咗成十幾廿個鐘...無食嘢。哈！我就發現我個肚腩細咗！

依家我嘅胃口依然麻麻....希望聽日唔會再痛...

紅變藍

昨日返兩更。今朝放工後瞓咗四個鐘就醒咗，起身時心情好好，我仲揾咗呢張圖片惗住喺個blog用。

我心情好喺因為---人一個。

無論如何，能夠有開心時候，已經好好。



起咗身後，返咗媽媽處。小楠楠與豆卜仔都有到。豆卜仔今日好活潑，不斷人玩。=)
但喺小楠楠因為感冒，狀態很差。我見到佢真喺肉到赤埋。

學媽媽話齋:"家裡小朋友病，做大人會好擔心...所以要好好保重身體。"

回家途中聽住啲歌比較憂傷嘅歌，再加上開始轉涼嘅天氣。
我嘅心情開始變得比較藍...

婆婆

昨日學完笛之後，自己一條泠去食晚飯。

同枱有個婆婆，最初佢叫咗燒肉鈑，但喺因為燒肉飯賣曬，婆婆就惗咗好耐，終於改食蒸魚套飯。即喺蒸一條魚同埋白飯一碗，果條魚一啲都唔細條，有成一隻半手掌咁大。

佢叫咗蒸魚後，再叫多一個豆腐滚魚雲湯。果個湯喺可以三四個人飲嘅大細。

我覺得呢個婆婆好識享受。

唔知我第時老咗有無咁好福氣呢？

游水

今日放假，唔洗做。我嘅活動當然有游水。



近排泳池上掛上一排排嘅彩色旗仔，睇吓...(sorry,影得唔喺咁好= <。)初初以為有水運會。我睇應該喇，可能只喺一啲佈置。

我嘅生活幾休閒、自在！

有時候會好覺得自己嘅生活好似D老人家咁，晨早就起身，一早就去游水。我好多時候去游水都喺游第一場，8:30Am。好多時侯都會見到一啲肥肥白白嘅上海婆婆及退休阿伯，佢哋游水唔快，但喺可以慢慢咁不停站咁游。
呢啲先至叫勁！

女排

今日返早，放咗工返咗阿媽處。我一個電話就有香噴噴嘅咸魚肉粒飯。嘻！嘻！

食過午飯後，巧遇電視今日直播世界女排大獎賽。兩點鐘倒，正是阿塞拜疆對泰國。嘩！好剌激，好緊張。雖然泰國輸咗，我覺得其實泰國打得幾好，佢哋好落力，好有默契，好有team spirit！見到呢啲咁有團隊精神嘅人一齊，我好欣賞！=)

同屋企人一齊睇女排，我好開心！一齊叫，扮專家比意見。
爸爸好鐘意睇排球。爸爸年輕時曾經玩排球，都有比賽過o架！
爸爸今日睇女排，睇得好高興。我覺得喺屋企裡面佢先至喺專家。

美食節

昨日同妹妹去咗美食節，買咗一啲嘢。睇落好似唔喺好多，但喺都幾重。

妹妹買得仲多，佢哋啲嘢好鬼重。惗惗吓，其實攞架車仔去都好o架，唔洗咁辛苦...

昨日都唔少人，我覺得最低，應該喺啲醬油。一樽义燒醬七蚊，優惠禮包--30蚊有五六支鼓油、蠔油同埋乜乜醬。不過就要抬返屋企。

行完之前同妹妹一齊食飯，跟住回家去。返到屋企超勁疲累，唔洗30秒就瞓着。

早晨

昨晚返通宵，今朝八點返到屋企，陽光普照，覺得啲花都靚啲。睇吓，佢哋好精神咁同你講早晨！:-)

我一點就起咗身，因為咗嘅交功課發現有啲問題，有啲擔心，所以不自覺咁醒咗。
打電話去問詳情，原來好容易就可以解決。等我仲好擔心，洗唔洗要親自去上環(交功課嘅學校位置)，攪惦漆。

仲有就喺比我發現，原來第二份功課喺九月二十號至交...哈！咁我可以再玩吓先都得喎！！

冷

今日學完笛，同Harbour仔一齊食飯，食飯時傾咗好多嘢。

Harbour仔透露咗一啲嘢比我知，飯局中我表現得有啲激動。
依傢我覺得有啲心灰意冷，我成日講,同埋真喺覺得---"好人有好報"。
我呢個信念依然有，但我現在都好喺感受到---"好心着雷劈"。

人情冷暖，我依傢幾十歲人先至懂得，真喺好彩定唔好彩呢？

順利

今日唔洗做，晨早八點起身食過早餐就開始清潔屋企，做家務攪到成身汗，襯住個心跳有翻咁上下快就繼續做啲帶氧運動，我最鐘意嘅---游水，游咗一個鍾左右啦。

喺游泳池見到有班小朋友學緊游水，miss好正，對啲小朋友好嚴，miss講嘢有啲操老...但喺我好鐘意啲人咁爽，見到miss都用心去教啲小朋友。

游完水翻到屋企食過好好味嘅阿骨牌湯意粉。
食完飯後，飯氣攻心，本來好想嚟一個午睡。但喺我無咁做，飲過一杯特濃咖啡後，努力工作。
我做咗啲乜呢？----就喺set up翻未攪好啲soft aware。

最重要就喺install 翻我個web cam嘅soft ware，我喺咁死命揾隻碟，當然喺你最需要佢嘅時候，佢就唔知死咗去邊樹...
咁我咪上網揾有關嘅software，最終我成功咁裝好曬喇！

仲有我今日又好成功咁練好長笛一啲練習--- chromatic scale。

今日個勢好好，做嘢都算順利！=-)

井底蛙

我份功課，今日終於交咗喇！喺時候預備下一份...
讀緊呢個course幾好嫁，唔太辛苦又可以keep住自己有嘢做，同埋又可以為自己增值...?!!

同啲年資高有料到嘅同事傾計，覺得佢哋見識好廣。覺得自己好井底蛙，喺一隻見識小，年長嘅蛙...

近排有個新，好新鮮嘅同事，見到佢，就會不其然咁提醒自己要做個好榜樣。

真喺唔想做隻好流嘅井底蛙。

啟示

我份功課終於攪惦！可以順利完成，全靠一個好朋友幫忙。
無佢嘅幫忙，我呢份功課必死...

喺今次電腦在重要關頭死亡事件裡面，我有一啲啟示：

1. 以前我有好多好多嘢都好倚賴別人，做嘢無計劃(其實依傢都喺)。經過今次，我發覺好多嘢其實自己喺可以做倒，好似今次朋友幫我切部機，我就自己攞返屋企連接好啲電線，同埋依朋友指示，成功連接上網，我知道呢啲嘢對於一般男士絕對喺基本嘢。但喺對我已經喺一大進步！:-)
2. 我個人好好彩，每次遇到棘手難事，總會有人幫！:-0 不過經過呢次，我都喺時候認真去學習一個人去處理問題.....

今次真喺好充心多謝好朋友"---"義不容辭嘅幫手及富仔熱心幫忙。

好人有好報！

完成

哈！哈！哈！我做曬工課喇！依傢個頭勁漲。我個turbo應該去到最盡喇！兩日寫三千，都算喺一個記錄....
我依傢真喺無曬energy 去寫嘢喇...
聽日再寫...，sorry喺天光先至再寫。我真喺要瞓喇...-__-

休息

我翻來喇！因為要趕交功課，呢個多星期我個blog,好大機會，會休息.....
好多謝豆ト媽媽、harbour同埋有睇我個blog嘅親朋好友支持。


I'll be back !

SORRY !!!!

家中computer have some problem...........

No message will be available recenlty....... SORRY !!!!