家

我發覺近呢一兩年，家庭各成員嘅關係鏈比以前緊密咗好多。

我惗其中一個原因會喺，家中多咗兩個小成員，大家嘅聚會時間比以前多。

我真喺好覺得，能夠延續生命喺一件好幸福嘅事。雖然我無呢份福氣，我啲好姊妹能夠有呢份福氣，都好替佢哋開心。=-0

另一方面，喺我大病之後，我真喺好覺得、好真心覺得，對我最好嘅就喺我嘅家人。只有佢哋唔會懶低我....

我有聽過一個報導話香港人自從"沙士"後，與家人嘅關係比之前好咗好多。

我惗無人會想喺錯誤中學習...
相信大家都知道及明白什麼是"珍惜眼前人"？！！

大家一齊努力！！！

Senior

近排有個新姑娘仔派到我嘅病房，佢依傢以part-time 形式工作。應該會9月畢業，正式成為註冊護士。

今日我做病房嘅主持，今日下午病房OK，咁我就可以有多啲時間去講一啲工作上嘅資料比呢位姑娘仔知....

其實我都有一段時間無教過人，希望我嘅資料正確同update 啦！=-p

回想自己嘅入職日期.....我嘅年資認真唔少....
做大嘅真喺要睇住啲細呀！！！=-0

南丫島水着

哈！哈！哈！南丫島水着照片，經已得手！我覺得曬得幾好！

大家見唔見到003至006果幾張就喺我第一次游出浮台嘅見証喇！

果日游水嘅時候陽光不太强烈，大家都玩得好開心！:-)

錯

昨日返工做錯事，就喺有個婆婆出院忘記幫佢拔走手上鹽水針口，帶埋返老人院。

終於被院舍職員發現，打電話返病房。咁我就知死...我終於要放工上去老人院替婆婆拔走手上嘅針口。

一知道要放工夜媽媽去老人院，又唔知邊到嚟，都擔心傢...

喺呢個時候比我遇到個好人，好人車我去老人院！:-)

仲有昨日有我嘅好同事兼同學一齊返工，當佢知道呢單嘢，見佢都好擔心。佢都有幫手叫果個"好人"車我去老人院傢！;-)

去到果間老人院，都有好多婆婆...我相信院舍職員工作量都好大。

其中一位識員，我相信佢應該喺菲律賓人。佢對啲婆婆好好，仲介紹一個一百零幾歲婆婆比我認識。:-)

我已經做咗咁多年，呢啲錯真喺唔應該再嚟.....

YEAH ！

星期日一家人去咗南丫島，落咗船之後行咗大約20至25分鐘去到海灘。嘩！太陽伯伯心情好好，陽光普照，行到去成身濕曬，燃燒脂肪，成機减肥！:-p

去到啲小朋友比啲大人喺咁影喺咁影...

之後一齊去游水，游吓游吓，我望到個浮台，跟住問妹夫，"游去浮台遠唔遠呢？"跟住就有妹夫陪同下同姐夫&妹夫一齊游出去。

Yeah！！！我游倒出浮台！！！！幾十歲人第一次游倒去浮台！開心囉！:-0我仲喺浮台上影咗相做見證！遲啲比相大家睇。:-)

玩多一陣，就去食飯---海鮮。有鮮味蟶子、肉厚龍蝦仔、肥美懶尿蝦.....。兩個字---"好正"！跟住大家好滿足咁離開南丫島！:-)

笛頭

今日原定一家人去camp,但安排問題cancel咗，無得去。但喺我哋一家人一行15人明日會去南丫島游水，食海鮮！好期待呀！



今日去咗朋友個朋友處"參觀"長笛，喺呀！"參觀"呀！
果度好家庭式，只招待"會員"。Sorry !喺熟人至對... :-p 果度老闆喺一個愛笛或者喺愛樂器之人。

因為好愛笛，自己鑽研做長笛，老闆自己做咗好多長笛笛頭。自己去加工，做啲好好嘅笛頭。
去到，試咗好多笛，我仲試咗一支$7500嘅純銀長笛，佢話如果去通利買呢支功能與質數相同嘅要過萬。

嘩！一吹就知好嘢。我呢啲低層次嘅吹出時自己感覺都好好！！！:-0
其實我都有惗過買佢，惗吓都喺等自己技術再好啲，先至再惗吓買支好笛。:-)

我有帶自己支笛去，老闆一睇就搖曬頭。
"嘩！你支笛吹咗幾耐？啲螺絲鬆曬，有一個pad(掣)閂唔埋..."
結果當然我支笛要比老闆check吓，修理吓...

我又試咗好多笛頭。結果我被一支淺啡色嘅木笛頭吸引住，買咗佢返屋企。:-)但喺因為笛頭同我支笛size唔同，要被老闆調較一吓。我要下個星期三先至可以見翻佢哋！

開心星星

今日學笛，好開心！因為有意外驚喜，就喺得到阿sir嘅讚賞。
其實呢幾次上堂，無乜要求嘅阿sir都覺得我哋嘅進度太慢。即喺話我哋太懶惰，無練習....
其實見到阿sir嘅反應，我真喺覺得自己好差...咁我米喺我無心機做功課嘅時候去練習。
Yeah !阿sir初時話我哋，"都OK喎！"，跟住仲話，"今日幾好喎！"
阿SIR真喺好耐無讚我哋喇！
所以我好開心！:-)

毒蛇

今日返工，其中有一個喺新同事。新同事喺高層，做嘢當然有佢自己一套。
同事們反應非常大，無乜人理會佢...

我真喺好覺得人事呢一關喺最click手。與人相處絕對係一門高深學問。

現今新一代人，同我之前初出茅廬嘅處事方法好唔同，佢哋好有主意，對自己好有信心。是好是壞，真喺觀點與角度...

比人排斥，真喺好似呢條蛇咁可怕...！

好味！

今日呆在家中，乜都無做過。只睇咗少少notes...全因惰性發作...

呢兩日咁多餐飯都全靠生日會餘下嘅...我先至有正經嘅食。

三妹煮嘅架喱雞，家姐預備嘅沙律同埋媽媽炮制嘅滷水豆腐及腎都非常非常好味。

頭先食咗滷水豆腐、腎蝦子麵。啲滷水好甜，好好味！

仲有好多生果潻！:-0

變

星期六喺小楠楠嘅一歲農歷生日(我妹妹嘅囡囡)。大家到我屋企開生日會，楠楠B嘅媽媽好用心機咁預備咗啲報置，仲為大家準備咗生日會必備嘅生日帽。

表哥仔都有出席，兩個小朋友當然好開心。啲大人--我哋，都好開心！！！

我屋企好少咁熱鬧，平時我一個人，個冷氣去到24度及風較到最細都覺得好凍....但喺果日要將泠氣較到最大風同埋要去到18度，先至OK。

間屋坐滿人。睇吓！有幾多鞋在門外！:-o

我昨日同一個朋友通電話，佢同我講，"呢個世界只有你嘅屋企人會對你不離不棄。"

講得好好，喺我最需要人嘅時候，只有我嘅家人永遠在我身邊。

曾經有人對我講過，"用怕，我一定會在你身邊..."但喺講呢句嘢嘅人，佢去咗邊呢？

"世事常變，變幻原是永恆..."？？！！！

用心

休息咗一段時間，又已經回歸原本工作位置。一切回復正常。
八月中又要交功課，喺時候修心養性，預備功課。

之前我又決定咗明年年尾考五級長笛試，咁即喺話我要好好練習，解決自己喺長笛嘅問題。我好好彩，有個心地好，有耐性嘅朋友，喺長笛方面，佢比到好多有用嘅意見比我。當然都要靠我自己用心練習。

對！喺"用心"練習。

一人

今日返工，病房好滿。返工就有個病人情況比較差，所以令到初時有啲忙...
今日返工好有弧身作戰嘅感覺。好彩我負責嘅病人病情不太差...
自己一個人，續樣嘢咁做。做完一樣還一樣，做、做、做...
無嘢話唔得嘅！喺米？！

昨日見到個醫生，佢問我之前轉病房嘅事。
我同佢講，"我唔鐘意做啲咁得閒嘅病房。"(之前轉去做嘅病房)
佢就同我講，"你呢道都好得閒吖！"

喺！我依傢做嘅病房，工作量比一般內科已經少好多。
所以就算真喺得自己做嘢，都請不要埋怨！

好兄弟

好兄弟
(歌手：軟硬天師 作曲：黃貫中 填詞：林海峰/葛民輝/黃貫中 編曲：黃貫中/恭碩良)

好兄弟前事不提誰沒有一起搶過玩具爭櫈仔
做兄弟似對夫妻緣份一嚟然後一齊同渡安危
今生有幸共你 唔要爛尾講心講金講乜我都制
講一世永冇勞氣 舖舖和棋輸死自己 無收費

好兄弟閒話休提矇著眼一於跟你撐到天腳底
做兄弟莫問身世 無大蝦細無反骨仔無食塞米
即使壯士斷臂 能夠為你擋刀擋槍擋乜我都制 無乜計
撐你台戲 有我和你 出生入死 我梗制

上刀山 落火海 你仆低我為你去墊底
講一聲你喜歡共患難落地獄冇問題有
今生冇來世 眼濕濕有鼻涕 愛黃金更愛兄弟

心口掛住義氣 唔似做戲好好睇睇總之無失禮 好矜貴
我夠雷氣 我鋸大脾 我爭住死 無所謂

上刀山 落火海 你仆低我為你去墊底
講一聲 你喜歡共患難落地獄冇問題 有今生冇來世

打生打死有乜好睇 拜關公拜上帝 反枱反櫈認真失禮 好兄弟
不分高矮坐低傾計 咪將心當做肺 捐心捐肺捐窿都制 好兄弟
有錢出錢有計出計 冇金撈送白米 吞火吞劍吞一包米 好兄弟
好好睇睇好好睇睇 有今生冇來世 天空海闊點少得..喂 好兄弟

我第一次聽呢首歌，聽到毛管都"樹"起...好感動呀！我一向以來對我啲好朋友嘅態度都會喺咁。所以好有共鳴。(呢首歌絕對喺我嘅---"有誰共嗚"。)

經過咗咁多年，我依傢只會惗如果有人當我喺佢嘅好兄弟，我就巳經好安慰？！！！

很累...

返咗三日工，昨晚仲返埋夜。今朝放工，超疲累！！坐喺梳化都可以瞓着。
終於我由早上八點瞓到下午五點半。起身煮嘢食，但喺胃口唔好，肚又有啲痛，很累很累....
咁又瞓喺梳化上....我再喺咁食完就瞓，瞓完便食....我就會好似上面呢個人肥成咁，跟住要好辛苦咁狂去做運動减肥...
我唔知道我真喺疲倦，還是作病/作死？！？！！！

加油！

今日第一日返工，(回歸原本病房)我嘅表面認真唔喺好得。
第一我休間太耐，第二我今日身體不適。(其實好可能只喺藉口...)

我覺得我今日無乜做嘢，好多嘢都喺同事幫手。特別我個好同學，好彩今日同佢一齊返工。多得佢幫手，咁樣先至安全完成工作！

聽日就要返夜，我真喺要醒醒定定。比心機！加油！好似呢個BB咁！！！

黑妹

好喇！放埋今日假就返工！！YEAH !要返去再戰江湖！聽同事講近排病房忙到嘔....真喺要有充足睡眠同埋食得飽啲返工，如果唔喺無能量做嘢...

放假之前我好想曬得一身靚靚陽光膚色，經過我呢個多星期努力。有啲成績啦！唔會太黑，我覺得幾好....(哈！自己讚自己...)

失物

今次去完泰國，回港後一日先至發現銀包留低喺的士內。當然巳經過咗一晚，乜都無啦....

今次唔見咗銀包，無好唔開心。反而覺得自己都算喺咁啦！

因為我唔喺第一次跌嘢。銀包之前我都試過跌過，好好彩揾得返。卡片套又試過跌過，果次比人叫住，可以攞得返。又試過留低手機喺的士，又喺比的士司機提醒。無唔見！

算啦！咁多次夾埋除開都唔喺損失好多...咁樣惗會好過啲...!

泰國之旅

Hi ! Everbody ! 無寫blog, 巳經有一段時間。全因日日都有節目o羅！

睇吓張相，就喺我喺芭堤雅住果間酒店--- Hard Rock Hotel.呢間酒店好惦呀！游池OK大。我哋襯去完珊瑚島與另一個景點中間果一個鐘落咗去游池。我哋同幾個團友，同埋一啲住客加一個德國男人一齊打排球。

喺呀！喺游池打排球。好好玩！！開心喺要與人分享，咁會更加高興！！

今次去泰國跟團，其中一日我出走。同朋友自已去shopping。當日午餐 &晚餐部喺自己安排。當然好得啦！

午餐就喺呢個-----魚翅湯飯。

嘩！好大排魚翅，食果刻覺得自己好高貴，午餐食魚翅湯飯。:-o

晚餐食日本嘢，環境好得！啲嘢好新鮮、好好味，同埋一啲都唔貴！兩個人只需要~HK$250！正！

今次去完泰國，發覺一樣嘢。就喺快樂喺自己揾返嚟！今次泰國之旅開心嘅環節全部都喺非團安排嘅。

其實我呢個人都幾喺後知後覺。我絕對是個笨蛋！:-p