小麥田

收到一個e-mail,喺陳敏兒&廖啓智過咗身嘅仔仔--- 廖文諾嘅見證。
http://www.gnci.org.hk/catalog/popup_product.php?products_id=1267
喺一個簡報，(唔知大家有無睇呢？)我睇曬裡面兩個movie。每次我都睇到---喊...

我覺得陳敏兒，廖啓智好堅强、好强，真喺好强！

"一粒麥子不落在地裡死了，仍舊是一粒；若是死了，就結出許多子粒來。"

呢一粒小麥子雖然只活了五年，我想小麥子真喺可以結出好多好多子粒出來。變成一遍小麥田！

大家記住----"活着便精彩！"

放假喇！！！

我終於放假喇！超期待嘅日子終於來臨！！！！
我聽日出發去泰國，星期五就會返嚟喇！

昨晚返完N，今日下晝去咗同阿妹，妹夫&甥生小BB一齊去游水。小BB好可愛，未夠一歲嘅小朋友一啲都唔怕水，唔小心飲咗啖水都唔會喊，好勇敢，好難玩。:p

乖嘅小朋友真喺可以令大人好開心！

OK !

今日返咗工喇！問返同事，我之前果晚返夜收人果個問題。上司無怪罪於我。咁都無咁驚...

我返多四日就可以離開呢個病房。

好喇！一齊都完喇！

很想念您...

今日收到一張公司嘅推銷單張，其實喺一張卡。
見到啦，就喺呢張。

"很想念您，近來好嗎？"

唔知有無人會"很想念"我呢？
其實我會覺得，只要有人某個時候突然想起我，我已經會好開心。我會覺得，呢個人有放我在心....我真喺咁惗傢！ (大家不要嘔呀.......)

修理中

昨日已經發現個blog有啲問題，一開就彈個Box，什麼...Active X...
令到唔可以睇到我個blog....
所以我就將音樂同埋條魚魚delete 咗。好彩依傢睇到喇！
我要慢慢去了解，點樣解決呢個問題啦！

唔知大家有乜高見，可以幫到我呢？
I.T專材，Frog, 可以幫到我嘛？

無耐

昨晚返完"夜"，不太忙，只喺收咗兩個人。但喺就有一個好大問題發生咗....
就喺我收第二個人嘅決定，好可能決定錯誤！

真喺好鬼麻煩！！做又錯(因為收咗呢個病人，令到無病床去預備收其他...)，唔做又錯(不遵從醫生指示，第二個病人要到我的病房)。

唔通我咁勁去挑戰醫生嘅決定？！？？？！！！

唉！預咗返工會比人閙.....

期待...

我返多9日就放10日假，然後就會返我原本工作嘅地方。

YEAH !!!!熱切其待！返去又繼續同一班好同事一齊工作！:)

放假，我好大機會去泰國。哈！我又可以曬黑喇！

今個假期，無論如何我都會喺咁喺咁去游水。惗吓都開心！

未出發，依傢已經好興奮！

H5N1

深圳有確診禽流感...

唔知今次堅定流？政府將停止輸入活雞，但其實喺米真喺因為啲雞呢？！

無論如何，如果禽流感真喺殺入嚟香港就真會好大件事！

有统計，禽流感死亡率喺50%，會大獲過"沙士"！！！

大家要記得保持個人衛生！！

Sorry ! 好似嚴肅咗啲添！:p

!

唔知大家大無我呢個經驗呢？

同一件事情發生,自己嘅反應會隨着日子，每次都不一樣。

十年前我面對一個問題，我嘅反應可能會好激動。但喺十年後今日嘅我，再次遇上呢個問題，不再激動，變得冷靜。

其實咁樣代表我"識得惗"，定喺"無情"呢？...

十字車

今日返工嘅工作有啲特別...
病房內面有個伯伯，佢嘅病情一天比一天差，但外於我工作嘅病房-- "不准探病"。家人又好疼錫伯伯，所以佢哋安排咗法國醫院病床比伯伯，但係伯伯情況實在有啲差。
我就喺呢個伯伯嘅負責姑娘，所以今日我就陪同呢個伯伯一齊去法國醫院。
其實我昨日已經知道今日會有呢個安排，我都有啲擔心！擔心伯伯在途中有乜"東瓜豆腐"，咁就...
終於陪咗伯伯過咗去啦，好彩無乜事情發生...！

開心雪人

今日啲感冒好咗好多！依傢只有啲痰，喉嚨無之前咁痛喇！好多謝大家關心！
頭先放工收到好朋友嘅電話，約我食飯。不過要過一個星期後，睇吓大家夾唔夾到時間。無論如何，咁樣我已經可以好開心。好似呢個雪人咁！！！:)

新音樂

新加咗背景音樂，大家覺得惦呢？呢首歌咪就喺我鐘意果首" Canon"！我覺得呢首歌嘅arrangement幾好，幾舒服。我揾到啲活潑版，電子rock版，好攪笑！
是日休息，唔揾人飯喇！怕我啲感冒傳染比人！...

雨天

好大雨...又黃色、紅色、黑色暴雨。我呢個所謂感性的蠍子，因着雨下個不停，心情也似是不太好。
我嘅感冒很反覆，時好時壞。依傢覺得很累。提不起勁...

音樂

終於交咗工課！咁又完成咗一科。我已經讀咗一年，仲有兩年就完喇！he he he....

完咗份工課，又要比心機練笛。打算明年年尾考五級。唔知我得唔得呢？

我學長笛，喺因為一首長笛演奏嘅歌"Canon"，我相信好多人都知道。我學咗長笛不經不覺已經有兩年多，喺學笛當中我得到樂趣。其實我生活很簡單，我時常會因為一啲小問題唔開心，喺唔開心嘅時候我會選擇吹笛。問題未必能夠解決，但至少唔會惡化。所以 "音樂" 真喺可以 "能醫百病" !大家嘗試去接觸吓音樂，您都可能會發現 "音樂"嘅可愛！

就得...

得0剌得0剌!我份功課就快做好0剌！我呢幾日超"疲累"!前日做功課做到早上四點！跟住瞓咗四個鐘起身再做！YEAH! 好似好勁！其實係自己之前係咁拖...無論如何，應該可以準時交到貨！: P
好彩依傢係個得閒0的地方做！咁我都OK o的！
做完功課，有好多0野想做...包括揾o下o的朋友仔！:)

雨傘

今朝一起身就收到個SMS，係一個一段時間無聯絡嘅同學仔，內容係問候。係有"心"的問候，我當然即刻打比佢，傾咗一陣。
我好開心，我最鐘意呢種感覺，大家朋友、家人，"相親相愛"，互相支持！
"落雨擔遮",有雨就會有人為你開遮！我都會係開遮o果一個！

音樂會

今日同妹妹去睇音樂會，係一個小號樂手、一個琴師同香港小交響樂團演出。有興趣去係因為有小號表演，o果個小號就普通。葉詠詩個小交響樂團就好好，o的歌o吾會太悶！我覺得o的樂器有好多solo 時間。幾好！

遲o的香港小交響樂團會攪個演出，目標人物係小朋友，我惗都會幾適合我呢o的初學者！