主宰

想當日險些累我連工都無得做o既一個人，今日再次遇上。我不但無半點憎恨，反而見刻今時今日o既佢，覺得佢好可憐。好老土o既一句說話---- "我真o係要多謝佢!" 因為無佢所作的，我亦o吾會被安排到依傢工作的樂土。呢個世界真的有主宰！

人言可畏

感冒好似越來越嚴重.....？！

今日返工，遇返一個舊同學，之前都有聽聞佢一o的負面消息。今日親耳聽到從他口中的版本。一句講曬 ----- "人言可畏"！好可憐！我身處呢道工作都幾驚！做人都係不要太多口！是非...都係少講好o的好！對o麻？！

端午節

今日返咗屋企做節，媽媽做了稯子比我哋！好好食傢！今日返屋企當然一家人一齊啦！重有曾被人誤會為我的妹夫---Roger 啦！(我想可以成為我妹夫嘅機會都....Ok 傢！！！)

回想在小時候，有一家隔籬鄰舍，(阿毛的一家！)佢地經常都有家庭聚會，每次佢地完咗聚會，在走廊說再見時都好熱鬧！哈哈依傢到我地，每次離開都好熱鬧！！

靖靖好乖，今日時時親親楠楠！

感冒？

今日起身就覺得鼻塞塞，死---好驚感冒...所以即刻買'三冬茶'飲o羅！希望不會'中獎'啦！

我到新環境工作已經有好幾日，o果度有個婆婆情緒好低落，最主要係因為見o吾倒個女，成日喊，佢覺得吾能夠照顧自已，連日常self care都辨不到，因此好depress。前兩日，佢話覺得個身好痕...所以我就同另外一個同事替她洗澡。當然佢好開心！今日我一返工見到佢，佢又要求洗澡。我一做完手頭上嘅嘢，就協助佢啦！之後，當然婆婆好滿足。跟住我又安慰佢，'有什麼，就同姑娘講，不要吾開心，我哋係幫你！'
其實可以令病人滿足，我都好高興。呢度可以有足夠時間去比多o的care 比病人！

有飯食

今日做功課成績倘算OK. 寫咗大約四份一(即係千六字左右)，其實可以一路做落去，但係因為覺得好肚餓，所以米煮飯食。睇o下，我覺得買相都OK？！我仲煲o左湯!個餸味道幾好o傢！估o下呢味餸o係o的乜呢？我依傢已經好眼瞓...聽日早o的起身繼續努力！

第一晚

今日超大霧...返到屋企，彷如進入了仙境！昨晚第一晚在新地方on night 。我被安排做'細'，o華！好耐無做'細'，最好就o係o吾洗交更！成晚要睇得最緊米就o係部機。呢處真o係一個好適合休息o既地方！

N95

今日第一日返工，o華！起勢o甘'載'、'除' N95，.............新地方，大家做o野手法好o吾同...需時去適應！依傢仲好hyper.....體內的adrenaline係o甘出係o甘出.....聽日就要"N"，希望無問題啦！

功課

要睇o既已經睇過，但o係無乜頭緒....有乜o野可以刺激o下個腦？！？！

熟悉的....

今日已經星期六,仲有兩日就完了V.L。功課未惦...最重要就o係就快返工..要面對新環境、新同事...日子越近，越是擔心...。我要離開熟悉的地方，希望我真的可以回歸！

三號風球

好大風..........今時今日o既我份量已不少，但剛剛落樓下寄信，o華.........被"珍珠"吹住o甘行o左好多步....超勁大風！老人家,小朋友都要小心！

海洋公園

今個星期放假，星期一就安排o左一家人去海洋公園。首先未出發已經好興奮！去到當然好開心！！！爸爸看來有點累。
楠楠小B,好喜歡colourful o既卡通人物，見到魚魚同雀仔都好開心！
公園內的水母館都好覩！不過就多人o左o的....

好開心

今日返到阿媽家，又見到我親愛的,浪漫的爸爸，放了一個好靚的擺設........看！我覺得好靚!

今日母親節，好開心，一家人齊齊整整打邊爐！靖靖，楠楠好可愛！

呢首練習，已經吹o左好耐....但依然高音 '拆'，低音 '盟'.......